دی دی آپکے چالیس ایم ایل اے ہم سے رابطے میں ہیں ، 23مئی کا انتظار کریں : نریندر مودی

 ہگلی29/اپریل (محمد شبیب عالم ) آج شری رامپور کے چنڈی تلہ میں یہاں سے بی جے پی کے امیدوار دیبو جیت سرکار کے حمایت میں جلسہ کیا ۔ اس دوران مودی نے آج ترنمول کانگریس پر سخت تنقید کرتے ہوئے وزیر اعلیٰ کو آڑے ہاتھوں لیتے ہوئے کہا کہ دی دی آپکے چالیس ایم ایل اے مجھ سے لگاتار رابطے میں ہیں ۔ بس 23 مئی تک انتظار کیجئے یہ تمام لوگ آپ سے الگ ہونے والے ہیں ۔ انہوں نے اور کہا کہ دی دی مجھے کنکڑ اور پتھر کے لڈو اور رس گلے کھلانا چاہتی ہیں ۔ واہ میرا نصیب دیکھئے یہ وہی مٹی ہے جہاں رام کرشنا پرم ہنس ، سوامی ویویکانند ، جگدیش چندر بوس ، شیاماپرساد مکھرجی اور چیتنیہ جیسے شخصیت پیدا ہوئے ہیں اور انکے پیروں کی دھول کا رس گلہ ملے تو کیا کہنا میرے لئے تو کسی پرساد دے کم نہ ہوگا ۔ انہوں نے اور کہا کہ مٹی کے ساتھ پتھر بھی بھیج دینگی تو اچھا ہوگا بنگال کے عوام کا سر پھوٹنے سے تو بچ جائے گا ۔  کل تک لوگ صرف مجھے گالیاں دے رہے تھے ۔ اب EVM کو بھی دے رہے ہیں ۔  انہوں نے اس تقریب کے دوران گزشتہ پانچ برسوں میں اپنے کئے گئے کارکردگی کو عوام کے سامنے رکھا ۔ ساتھ ہی لوگوں سے وندے ماترم بھی بولوایا ۔  اس دوران ممتا بنرجی پر پھر سے الزام لگاتے ہوئے کہا کہ کام میرا اور اسٹیکر دی دی کا ۔ مجھے یہ بھی خبر ملی ہےکہ یہاں کے غریب عوام کو انکے لئے پختہ مکان دینے میں بھی لاپرواہی کرتی ہیں ۔  انہوں نے اور کہا کہ اب گھبرائیں نہیں پختہ مکان میں دلاؤں گا ۔  
انہوں نے تقریب کے دوران نعرے بھی لگائے " چپ چاپ کنول چھاپ ، آر بوتھے بوتھے ترنمول صاف " ۔۔۔ دی دی آپکی پارٹی سے بنگال کے عوام ناراض ہوچکے ہیں ۔ بہت جلد آپکے پیروں تلے زمین سرکنے والی ہے ۔ دی دی مجھے گالیاں دینے کے علاوہ کچھ نہیں کرتیں ۔ آپ اب چاہے جتنی بھی گالیاں دے لیں یہاں کے عوام فیصلہ کرچکے ہیں ۔ 23مئی کو پھر ایک بار مودی سرکار قائم ہونے جارہا ہے ۔  آج صبح سے بنگال کے مختلف حصوں جہاں انتخاب ہورہے ہیں وہاں سے لگاتار واردات کی خبریں آرہی ہیں ۔ بوتھ دخل کیا جارہا ہے ۔ دی دی آپ سب اچھا کی ہیں اور کرتی ہیں تو اتنا ڈر کیوں ۔