ہم پہلے بھی ایک تھے آج بھی ہیں اور آئندہ بھی رہیں گے ، سیاست اپنی جگہ اور مذہب اپنی جگہ دونوں کو ایک ساتھ نہیں جوڑا جا سکتا : سریش مشرا

 ہگلی4/جون (محمد شبیب عالم ) ہرسال کی طرح امسال بھی چاپدانی میونسپلٹی کے تحت انگس میدان میں مقامی میونسپلٹی کے چئیرمین سریش مشرا کے جانب سے دعوتِ افطار دی گئی تھی ۔ اس بار بھی تقریباً 2500لوگوں کو افطار کی دعوت دی گئی تھی ۔ جس میں علاقے کے ہر خاص و عام  کے علاوہ ایم پی کلیان بنرجی  سابق ایم ایل اے مظفر خان اور تمام کونسلر تشریف فرما تھے ۔ اس دوران سریش مشرا نے تمام لوگوں کو عید کی مبارکباد دیتے ہوئے اپنے علاقے میں جوش و خروش کے ساتھ ساتھ  پرامن ماحول میں عید منانے کی گزارش کی ۔ ساتھ ہی انہوں نے کہا کہ کہاں کیا ہورہا ہے ۔ ہمیں نہیں دیکھنا ہے ۔ یہاں ہم پہلے بھی ایک تھے آج بھی ہیں اور آئندہ کل بھی رہیں گے ۔ انہوں نے موجودہ صورتحال پر کہا کہ سیاست اپنی جگہ ہے اور مذہب اپنی جگہ ان دونوں کو کبھی بھی ایک ساتھ نہیں جواڑ جا سکتا ۔ اس دوران مقامی لوگوں نے چئیرمین سریش مشرا کو ڈھیر سارا مبارکباد پیش کیا ۔ بچے بھی ان سے خوب ملتے اور عید کی مبارکباد دیتے نظر آئے ۔