بانسبیڑیا اسلام پاڑہ چوڑی محلہ کے راستے کی حالت بد سے بدتر ۔ کل پرسوں سے مرمت کاکام شروع ہوجائے گا : مکھیا

   ہگلی26/اکتوبر (محمد شبیب عالم ) ریاستی وزیر اعلیٰ محترمہ ممتابنرجی اپنے ترقیاتی کاموں کے لئے بھی جانی جاتی ہیں ۔ مگر آدی سپتو گرام گرام پنچایت کے تحت اسلام پاڑہ سنکھو نگر نزدیک مدینہ مسجد جسے چوڑی محلہ کے نام سے بھی جانا جاتاہے ۔ اس علاقے میں داخل ہونے ایک اہم راستہ برسوں سے پختہ ہونے کی انتظار میں پڑا ہواہے ۔ کئی دفعہ انتخابات ہوچکے کبھی لوک سبھا کبھی بدھان سبھا تو کبھی پنچایت کا الیکشن مگر راستے کی یونہی بد سے بدتر بنی ہوئی ہے ۔   برسات کے دنوں میں اس علاقے کے لوگوں کا جینا مشکل ہوجاتا ہے ۔ کام پرجانے آنے والےلوگوں کی مشکلیں بڑھ جاتی ہیں بچوں کا اسکا جانا نہایت ہی دشواریاں پیدا کرتاہے ۔  ادھر ریاست میں ہورہے لگاتار تین دنوں سے بارش کی وجہ سے راستے کی حالت نہایت ہی بھیانک بنی ہوئی ہے ۔ جسے دیکھتے ہوئے چند مقامی نوجوانوں نے اس علاقے کے ترنمول مکھیا فیروز سے شکایت کیا ۔ ساتھ ہی اس راسے کی تصویریں اور نالوں میں گندگی بھری پڑی کی وڈیوز فیس بک پر پوسٹ کرکے ناراضگی کا اظہار کیا ۔    اس معاملے میں جب مکھیا فیروز سے پوچھا گیا تو انہوں نے کہا کہ راستے کے مرمت کا ٹینڈر ہوچکا ہے اور پہلے بھی اس راستے کا کام ہوچکا ہوتا مگر پہلا ٹینڈر آدھے راستے کا ہی ہوا تھا جسکی مجموعی رقم 24لاکھ بتائی گئی تھی ۔ مگر لوگوں نے احتجاج کیا کہ اور آدھے راستے کا کیا ہوگا ۔ اسی بات پر پنچایت دفتر میں پھر سے درخواست کرکے گزارش کیا گیا کہ چوڑی محلے کا یہ سیدھا راستہ ایک بار میں ہی مرمت کیا جائے ۔ اسی میں تاخیر ہوگئی ۔ اب دوچار دنوں میں اس راستے کا کام شروع ہوجائے گا ۔ آج سے اینٹ گرایا جارہا ہے اس کو ٹکڑا کرکے راستے پر بچھانے کا کام بہت جلد شروع ہوجائے گا ۔ یہ راستہ اقلیتی فنڈ سے مرمت کر نے کی منظوری دی گئی ہے ۔ امید کرتاہوں کہ بہت جلد لوگوں کی شکایتیں دور ہوجائے گی ۔  ادھر کچھ علاقائی لوگوں نے اس راستے کو لیکر اتنے خفاء و پریشان ہیں کہ دیدی کے بولو نمبر پر شکایت بھی کئے ہیں مگر انکا کہنا ہے کہ ابھی نتیجہ کچھ بھی حاصل نہیں ہو سکا ہے ۔