سی اے اے اور این آر سی کے خلاف رشڑا میں بھی ترنمول کا زبردست جلوس ۔

ہگلی15/دسمبر (محمد شبیب عالم )  سی اے اے اور این آر سی کے خلاف رشڑا میں بھی ترنمول کا زبردست جلوس ۔ یہاں رشڑا میونسپلٹی کے چئیرمین وجئے ساگر مشرا اور نائب چئیرمین زاہد حسن خان اور ترنمول یوتھ لیڈر شاہد حسن خان کے رہنمائی میں یہاں مختلف وارڈوں میں احتجاجی جلوس نکالا گیا ۔ اس دوران ہزاروں کی تعداد میں ترنمول کارکنان و حامیوں نے مودی اور مرکزی حکومت کے خلاف جمکر نعرے لگائے ۔ چئیرمین وجئے ساگر مشرا نے عوام سے اپیل کیا کہ برائے کرم کچھ ایسا کام نہ کریں کہ اسکا فائدہ سیدھے بی جے پی کو ہوجائے ۔   آپکے اس طریقے کے احتجاج کی آڑ میں بی جے پی والے لباس بدل کر کوئی نقصان پہنچا دیں اور بدنام آپ ہوجائیں ایسے کاموں سے بچنا ہے اور ہم سب کی وزیر اعلیٰ ممتا بنرجی تو خود اس عوام مخالف قانون سی اے اے اور این آر سی کے خلاف ہیں اور راستے پر اتری ہیں ہمیں انکا ساتھ دینا ہے اور انکے ساتھ کندھا سے کندھا ملا کر احتجاجی مظاہرہ کرنا ہے ۔