ہگلی ضلع کے زیادہ تر علاقوں کو کنٹینمنٹ زون قرار دیا گیا ۔

 ہگلی21/اپریل ( محمد شبیب عالم ) آج ہگلی ضلع ڈی ایم دفتر ملی اطلاع کے مطابق ضلع کے زیادہ تر علاقوں کو کنٹینمینٹ زون کے دائرے میں شامل کیا گیا ۔  ڈی ایم دفتر سے یہ ہدایت دی گئی ہے کہ ضلع کے اترپاڑہ کوترانگ میونسپلٹی ، ڈانکونی میونسپلٹی ، شری رامپور میونسپلٹی ، کوننگر میونسپلٹی ، بیدیاباٹی میونسپلٹی ، چاپدانی میونسپلٹی اور چندن نگر میونسپلٹی  کے علاقوں کو آج سے کنٹینمنٹ زون کے دائرے میں لایاجارہے ۔ ساتھ ہی یہ بھی کہا گیا ہے کہ ان میونسپلٹیوں کے علاوہ انکے تحت کئی گرام کو بھی اسی کنٹینمنٹ زون میں ڈالا گیا ہے ۔ جس کے تحت ان علاقوں میں کسی بھی سرکاری یاغیرسرکاری کام  مکمل طور پر بند رہیں گے ۔  اس کے علاوہ جن شعبوں میں کچھ رعایتیں دی گئی ہیں وہاں 25فیصد سے زیادہ لوگوں کی حاضری نہیں ہونی چاہئے اور اگر اس ہدایت پر عمل نہیں کیا گیا تو انکے خلاف سخت قانونی کاروائی کی جا سکتی ہے ۔