ترنمول نے کیلاش وجئے ورگیہ کے خلاف شکایت درج کرائی ہے

  ہگلی 19/ اپریل ( محمد شبیب عالم )  ہگلی ضلع کے شریرام  پور پولیس اسٹیشن میں بی جے پی کے جنرل سکریٹری کیلاش وجورجیا کے خلاف ایف آئی آر درج کی گئی ہے۔  اتوار کی سہ پہر ہوگلی ڈسٹرکٹ ترنمول

کانگریس کے پانچ رکنی وفد نے کیلاش وجئےورگیہ کے خلاف تحریری شکایت درج کروائی۔  ترنمول کانگریس کے وفد میں بنیادی طور پر ہگلی ضلع ترنمول کانگریس کے صدر دلیپ یادو ، اترپارہ کے ممبر اسمبلی پرویر گھوشال اور شریرام پور سٹی ترنمول کانگریس کے ایگزیکٹو صدر اور سریرام پور میونسپلٹی  کےسات  نمبر وارڈ کے کونسلر اور چیف شکایت کنندہ سنتوش عرف پپو سنگھ شامل تھے ۔ ہوگلی ضلع ترنمول کانگریس کے صدر دلیپ یادو نے کہا کہ سوشل میڈیا پر گمراہ کن پوسٹوں کے ذریعہ کیلاش وجئے ورگیہ نے ترنمول کانگریس کے ورکنگ صدر سنتوش عرف پپو سنگھ نیز سریرام پور شہر ترنمول کانگریس کی شبیہہ کو داغدار بنانے کی کوشش کی ہے۔  اس پوسٹ کے ذریعہ ، کیلاش وجئے ورگیہ نے لوگوں میں الجھاؤ پھیلاتے ہوئے ریاستی حکومت کے امیج کو خراب کرنے کی کوشش بھی کی ہے۔  لہذا پولیس کو ان کے خلاف سخت کارروائی کرنی چاہئے۔  اسی دوران ، اس معاملے کے مرکزی شکایت کنندہ ، سنتوش عرف پپو سنگھ نے بتایا کہ انہوں نے سریرام پور پولیس اسٹیشن میں ان کی اور ان کی پارٹی کے خلاف کیلاش وجئے ورگیہ کے ذریعہ سوشل میڈیا پر چلائے جانے والے پروپیگنڈے کے بارے میں تحریری شکایت درج کروائی ہے ۔قابل ذکر ہے کہ بی جے پی کے قومی جنرل سکریٹری کیلاش وجئے ورگیا نے اپنے سوشل میڈیا پوسٹ کے ذریعے سنتوش سنگھ پر راشن کا چاول لوٹنے کا الزام لگایا۔  اس تناظر میں ، سنتوش عرف پپو سنگھ نے پولیس اسٹیشن میں خریدی جانے والی چاول کا بل اور دیگر ضروری دستاویزات کو بھی بطور ثبوت پیش کیا ہے اور پولیس سے معاملے کی چھان بین کرکے کیلاش وجئے ورگیہ کے خلاف سخت ترین کاروائی کرنے کا مطالبہ کیا ہے۔  سنتوش سنگھ کا کہنا ہے کہ وہ جلد ہی اس تناظر میں ہائیکورٹ میں ہتک عزت کا مقدمہ دائر کریں گے۔  اس معاملے میں ردعمل ظاہر کرتے ہوئے بی جے پی کے شریام پور تنظمی ضلع کے بی جے پی صدر ، شیامل بوس نے کہا کہ کیلاش وجئے ورگیہ خود ان کے خلاف درج مقدمے سے نمٹیں گے ۔راشن کا چاول لوٹ لیا گیا اور سریرام پور تنظیمی بی جے پی ضلع اب بھی اپنی بات پر قائم ہے اور اس معاملے کی تحقیقات کا مطالبہ کرتا ہے۔  انہوں نے یہ بھی کہا کہ کسی کو بھی مغربی بنگال میں احتجاج کرنے کا حق نہیں ہے۔  احتجاج کرنے والوں کے خلاف پولیس قانونی کارروائی کرتی ہے۔  شیامل بوس نے اس معاملے میں ان پر سیاست کا الزام بھی عائد کیا ۔