دوسرے ریاستوں میں پھنسے لوگوں کو لیکر اجمیر سے ڈانکونی پہونچی مسافر خصوصی ٹرین لوگوں کے چہروں پر دیکھی خوشی

ہگلی 5 مئی (محمد شبیب عالم )  لاک ڈاؤن کی وجہ سے مغربی بنگال کے متعدد ریاستوں میں پھنسے ہوئے     لوگوں کو واپس لانے کا عمل شروع کردیا گیا ہے۔  اپنے پہلے مرحلے میں ، ریاست کے 1188 افراد پر مشتمل ایک خصوصی ٹرین منگل کو راجستھان کے اجمیر سے ڈانکونی پہنچی۔

 د راصل ، یہ لوگ بار بار ریاست کی وزیر اعلی ممتا بنرجی پر زور دے رہے تھے کہ وہ انہیں کسی بھی   حالت میں واپس لائیں۔  جس کے بعد وزارت ریلوے کے اشتراک سے لوگوں کو دوسری ریاستوں میں واپس لانے کا عمل شروع کردیا گیا ہے۔

 بتایا جاتا ہے کہ جب منگل کی صبح دس بجے کے قریب ٹرین ڈانکونی ریلوے اسٹیشن پہنچی تو بہت سارے ریلوے اہلکار بشمول ریاستی وزیر محنت ملائے گھٹک ، زراعت کے مارکیٹنگ کے وزیر تپن داس گپتا ، ہگلی ڈی ایم ، فاریسٹ منسٹر راجیو بنرجی ، ہگلی ضلع ترنمول کانگریس صدر دلیپ یادو کے علاوہ کئی ایم ایل اے اور ترنمول کارکنان ٹرین کی آمد سے قبل ہی اسٹیشن پہونچ گئے تھے ۔  ڈی ایم نے صحافیوں سے بات کرتے ہوئے کہا کہ آج اجمیر سے خصوصی مسافر ٹرین ہگلی ضلع کے ڈانکونی پہونچی ہے ۔ جس میں کل مسافروں کی تعداد گیارہ سو اٹھاسی کے قریب ہے ۔  انہوں نے کہا کہ ٹرین ہوڑہ اسٹیشن اس لئے نہیں لے جائی گئی ہے کہ پورا ہوڑہ اسٹیشن کا علاقہ کورونا ریڈ زون میں ہے ۔ اسی وجہ سے ہوڑہ اسٹیشن سے پہلے ہگلی کے ڈانکونی اسٹیشن پر ہی ٹھہرانے کا بندوبست کیا گیا تھا ۔ یہاں مسافروں کو ٹرین سے اترنے کے بعد سماجی دوری کے ساتھ باری باری سے انکی اسکریننگ کی گئی ۔ اسکے بعد انکے گھروں تک پہونچانے کے لئے کئی گاڑیوں کا اہتمام کیا گیا ۔ ساتھ ہی جو جس علاقے سے ہیں وہاں کی میڈیکل ٹیم کو ہدایت کردی گئی ہے کہ وہاں انکی جانچ ٹھیک طریقے سے ہو اسکے علاوہ انہیں خود کے گھروں میں ہوم قرنطائین کرنے کو کہا جائے ۔  اس دوران وزیر جنگلات راجیو بنرجی نے ریاستی وزیر اعلیٰ کی تعریفیں کی اور بتاکہ مسافروں کی دیکھ بھال کے لئے آج ریلوے انتظامیہ سے لیکر ریاستی وزراء ایم ایل اے اور ترنمول کارکنان مسافروں کے استقبال میں صبح سے ہی پہونچے ہیں اور انکی جانچ کے بعد گھر پہونچانے کا بندوبست کیا گیا ۔ ڈانکونی ریلوے پلیٹ فارم پر ٹرین رکنے کے بعد اس کا پھولوں سے استقبال کیا گیا۔  معاشرتی دوری کے قوانین کے بعد لوگوں کو ٹرین سے اتار دیا گیا ۔

  ہر مسافر کی تھرمل اسکریننگ کے ساتھ ساتھ صحت کا معائنہ بھی ہوا۔  اسٹیشن کے قریب کے علاقے میں متعدد بسوں کا انتظام کیا گیا تھا   ۔ ان بسوں کے ذریعہ  ریاست کے مختلف علاقوں میں ٹرین کے ذریعے لوٹنے والے افراد کو ان کی اپنی منزلوں پر بھیج دیا گیا ۔