پیڑول ڈیزل کی لگاتار بڑھتی قیمت کے خلاف ترنمول کا مظاہرہ مودی کا پتلا نظر آتش کیا

ہگلی/یکم جولائی ( محمد شبیب عالم )  آج چنسورہ گھڑی موڑ پر ابھیشیک بنرجی کے ہدایت پر ترنمول یووا کے صدر شانتانو بنرجی کے رہنمائی میں پیڑول اور  ڈیزل کی آسمان چھوتی مہنگائی کے خلاف احتجاجی مظاہرہ ہوا ۔ جہاں ہگلی ضلع ترنمول کانگریس کے صدر دلیپ یادو بھی بھی موجود تھے ۔  آج کی اس تقریب میں سیکڑوں کی تعداد میں ترنمول کارکنان و حامی بھی شرکت کئے ۔  اس دوران ترنمول کے جانب سے جلسہ منعقد کرکے مرکزی حکومت اور مودی کے خلاف جمکر نعرہ لگایا گیا ۔  ساتھ ہی وزیراعظم نریندر مودی کا پتلا بھی نظر آتش کیا گیا ۔ اس سے قبل پتلے پر جوتے چپلوں کی بارش کی گئی ۔  اس دوران پٹرول و ڈیزل کی قیمتیں جلد سے جلد کم کرنے کے لئے مطالبات بھی کئے گئے ۔    ساتھ ہی آج مغربی بنگال کے سابق وزیر اعلیٰ ڈاکٹر بدھان چندر رائے کے یومِ پیدائش و یومِ وفات کے موقعے پر انہیں خراج عقیدت پیش کیا گیا ۔  اسکے بعد ہگلی ضلع ترنمول کانگریس کے صدر دلیپ یادو نے صحافیوں کو بتایا کہ ملک کے عوام پہلے سے ہی کورونا و لاک ڈاؤن کی وجہ سے پریشان ہیں ۔ اسی درمیان پیٹرول اور ڈیزل کی قیمتوں میں لگاتار اضافہ کرکے مودی حکومت لوگوں کو اور مصیبت میں ڈال دینا چاہتی ہے ۔ آج جہاں لوگوں کے مسائل حل کرنے چاہئے وہیں انکی مشکلیں بڑھانے میں لگی ہے بی جے پی کی حکومت ۔ انہوں نے مہاجر مزدوروں کے متعلق کہا کہ ہگلی ضلع میں  ابھی تک کل 93 ہزار مہاجر مزدور آئے ہیں ۔ لیکن مرکزی حکومت ابھی بھی مغربی بنگال کو غریب روزگار اسکیم کے فہرست سے بنگال کا نام غائب کرکے رکھی ہے ۔    اس دوران صحافیوں نے سوال کیا کہ آج کی اس احتجاجی تقریب میں مقامی ایم ایل اے نہیں ہیں ؟ اس پر دلیپ یادو صحافی پر بھڑک گئے اور کہنے لگے کہ صحافیوں کے ہر سوال کا جواب دینا میں ضروری نہیں سمجھتا ہوں ۔ ضلع میں چودہ طرح کے تقریب ہورہے ہیں ۔ آج کوئی پیٹرول ڈیزل کے مخالف میں تقریب کررہا ۔ کوئی امفان طوفان کے متاثرین کے درمیان امدادی سامان تقسیم کرنے میں مصروف ہے تو کوئی سابق وزیر اعلیٰ بدھان چندر رائے کے یومِ وفات و یومِ پیدائش کی تقریب میں شامل ہیں ۔ ایسے میں آپ مجھے کہیں کہ میں وہاں کیوں نہیں تو ؟       وہیں آج خواتین ترنمول کی جانب سے بھی مختلف جگہوں پر پیٹرول و ڈیزل کی بڑھتی ہوئی قیمت کے خلاف احتجاجی مظاہرہ کرتے دیکھا گیا ۔ وہاں بھی مودی مخالف نعرے لگائے گئے اور وزیراعظم کی کرسی سے استعفیٰ کا مطالبہ کیا گیا ۔