ہگلی ندی میں اچانک پانی کی تیز بہاؤ سے ٹوٹا گھاٹ لوگوں دکھا خوف و ہراس

ہگلی21/اگست ( محمد شبیب عالم )  ریاست کے ساتھ ہگلی ضلع میں بھی لگاتار بارش سے ویسے ہی عام زندگی مفلوج ہے اور اسی درمیان آج ہگلی کے ہند موٹر بڑتلہ علاقے میں اچانک ندی میں اتنی تیز بہاؤ آئی کہ بڑتلہ گھاٹ کو تباہ و برباد کردی ۔  جمعہ کے روز دوپہر کے وقت ہند موٹر کے بڑتلہ گنگا گھاٹ پر اچانک سے ندی میں افان آیا اسکی رفتار اتنی تیز تھی کہ اس گھاٹ کو اپنی آغوش میں لے لیا ۔  بتایا جاتا ہے کہ دو دنوں سے ہورہی لگاتار بارش کی وجہ سے ہگلی ندی میں پانی کی سطح میں اضافہ ہوگیا تھا اور اسی درمیان اچانک پانی کی بہاؤ تیز ہوئی اور لے اڑی گھاٹ ۔ اس خبر کو پاتے ہی لوگوں میں خوف طاری ہوگیا ۔  لوگوں نے کہا کہ اس ندی میں پانی کی سطح میں بہت زیادہ اضافہ بہت کم دیکھا جاتا ہے ۔ لوگوں نے اور کہا کہ ندی میں پانی بڑھنے کی وجہ سے گزشتہ کل ہی کچھ حصہ ٹوٹ گیا تھا ۔ لیکن آج اچانک پانی کی رفتار بہت تیز تھی ۔ نتیجے میں پورے بڑتلہ گھاٹ کو تباہ و برباد کرکے چلی گئی ۔