چنسورہ پولیس لائن میں چندن نگر کمشنریٹ کے جانب سے چوتھا سالہ اسپورٹس منعقد کیا گیا

 

ہگلی12/دسمبر ( محمد شبیب عالم ) آج ہگلی ضلع چندن نگر کمشنریٹ کے جانب سے چنسورہ پولیس لائن میدان میں چوتھا سالانہ اسپورٹس اینڈ ایتھلیٹک میٹ 2020 منعقد کیا گیا ۔ جس کا افتتاح ریاستی وزیر زراعت مملکت تپن داس گپتا کے ہاتھوں ہوا ۔  یہاں دن بھر مختلف قسم کے کھیل کود میں پولیس عملے اور انکے گھروالے حصہ لئے ۔ اس دوران ماسک پہننے کا زور " گوایج یو لائک " گیم کے تحت دیا گیا ۔ ساتھ ہی عورتوں کا کیا مرتبہ درجہ ہونا چاہئے اس کے بارے میں بھی بنگال کا تھیم پیش کیا گیا کہ  " ساڑی میں ہی ناری " ساتھ ہی کم عمری میں بچیوں کی شادی کروانے والوں کو بتایا گیا کہ یہ غیرقانونی جرم ہے ۔ اس سے ہمیں بچنا چاہئے ۔    اس دوران چندن نگر کے کمشنر ہمایوں کبیر نے صحافیوں کو بتایا کہ پورے مغربی بنگال میں یہ پہلا کمشنریٹ کا علاقہ ہے ۔ جہاں کووڈ 19 کے بعد یہ اسپورٹس منعقد کیا گیا ۔ ہرسال دو روزہ اسپورٹس کیا جاتا تھا ۔ مگر ابھی کورونا گائیڈ لائن پر عمل کرتے ہوئے کچھ کھیل کو کم کرکے ایک روز میں ہی یہ سالانہ اسپورٹس ختم کیا جا رہا ہے ۔   انہوں نے اور کہا کہ کھیل تو ایک بہانہ ہے ۔ آج اس وجہ سے اس تقریب میں شامل پولیس عملے اور انکے گھر والوں کے چہروں پر کتنی خوشی دیکھی جارہی ہے ۔ گزشتہ دس ماہ سے کورونا وباء کو لیکر ہرکوئی کافی پریشانی میں زندگی گزر بسر کئے ہیں ۔ آج ان سب کی چہروں پر مسکان دیکھکر بےحد خوشی ہورہی ہے ۔   آئندہ سال اور بہتر ڈھنگ سے پانچواں اسپورٹس میٹ منعقد کی جائے گی ۔