چندن نگر پولیس کمشنر ہمایوں کبیر نے دیا استعفیٰ ۔ انکی جگہ آج ہی عہدہ سنبھالیں گے گوروشرما مگر یہ استعفیٰ کیوں اب سیاسی وردی کو اپنائیں گے ؟

 ہگلی29/جنوری ( محمد شبیب عالم ) ہگلی چندن نگر کے پولیس کمشنر ہمایوں کبیر نے اچانک سے اپنے عہدے سے استعفیٰ دے دیا ۔  انکی جگہ آج ہی یعنی سنیچر کی صبح دس بجے کے درمیان گورو شرما سی پی کا عہدہ سنبھالیں گے ۔  لیکن سوال اٹھ رہا ہےکہ انہوں نے استعفیٰ کیوں دیا ۔ جبکہ اب کچھ ہی دن کی ملازمت رہ گئی تھی ۔ عنقریب ہی ریٹائر ہونے والے تھے ۔ استعفیٰ دینے کی وجہ کھل کر سامنے نہیں آپائی ہے ۔ کہیں وہ سیاست میں قدم تو رکھنے نہیں جارہے ہیں ۔  اس معاملے میں فلحال انکے جانب سے کوئی جواب نہیں ملی ہے ۔ ہاں انہوں نے اپنے استعفیٰ نامہ میں ذاتی وجوہات بتائیں ہیں ۔  وہیں انکے استعفیٰ کو لیکر ضلع پولیس محکمہ اور سیاسی خیمے میں ہلچل سی مچی ہوئی ہے ۔ مختلف قسم کے سوال اٹھ رہے ہیں کہ وہ اپنے ملازمت سے فارغ ہوکر سیاسی وردی تو نہیں پہن رہے ہیں ؟  ابھی کچھ دن قبل ہی انکی محترمہ کبیر حکمران جماعت میں شمولیت اختیار کی ہیں ۔ ڈاکٹر ہمایوں کبیر 2003 بیچ کے IPS تھے ۔ وہ نہایت ملنسار خوش اخلاق نرم لہجے والے جانے جاتے رہے ہیں ۔ 2018 میں ایک فلم بھی پروڈیوز کرچکے ہیں ۔ وہ مرشد آباد میں جب ایس پی تھے تب جنسی درست درازی کے معاملہ میں ملوث کیا گیا تھا ۔ مگر وہ الزام بے بنیاد رہا ۔  اسکے علاوہ ایک خاص سیاسی جماعت کے ہوکر کام کرنا کے الزام میں الیکشن کمیشن نے انکا تبادلہ کردیا تھا ۔  اسکے بعد وہ بیرکپور کمشنر کے ڈی سی صدر بنائے گئے ۔ پھر کولکاتا پولیس میں کمشنر ( انتظامیہ ) ۔ اسکے بعد آج سے دو سال قبل چندن نگر پولیس کمشنر کا عہدہ سنبھالا ۔ وہ اچھے رائٹر بھی ہیں ۔ انکے کئی افسانے بھی بنگلہ اخباروں میں شائع ہوچکے ہیں ۔