’’جنمت 2019‘‘

کولکاتا‘21/مئی، 2019:
آل انڈیا ریڈیو کولکاتا کی ریجنل نیوز یونٹ کے ذریعہ 23 مئی، 2019 کو لوک سبھا الیکشن کی کاؤنٹنگ کے دن خصوصی پروگرام نشر کئے جائیں گے۔ یہ پروگرام بعنوان ’’جنمت 2019‘‘ کے تحت ووٹ گنتی کے دن صبح 10 بجے سے شام 4 بجے تک پرائمری چینل گیتانجلی اور ایف ایم رینبو پر جاری رہیں گے۔ ووٹ گنتی کے پروگرام کے علاوہ اضافی خبروں اور انتخاب سے متعلق مباحثوں پر پروگرام بھی نثر کئے جائیں گے۔ اس دن آکاش وانی کولکاتا کے اسٹوڈیو میں سیاسی پارٹیوں کے ماہرین ، تجزیہ نگار اور نمائندے موجود رہیں گے اور نتائج سے متعلق اپنے خیالات کا اظہار کریں گے۔ سلی گوڑی ، مرشدآباد اور شانتی نکیتن کے آل انڈیا ریڈیو کے اسٹیشنوں سے انہی پروگراموں کو نشر کیا جائے گا۔ ان پروگراموں کو سوشل میڈیا پلیٹ فارم پر بھی دیکھا جاسکتا ہے۔ جن میں فیس بک پیکج ، آکاش وانی سنگباد کولکاتا، یو ٹیوب چینل اور آر این یو کولکاتا سوشل میڈیا شامل ہیں۔
"JANAMAT 2019"
Comments
Post a Comment