پنڈوا میں چوتھی جماعت کی طالبہ پر ایسیڈ حملہ الزام ترنمول پر ، ایک گرفتار

 ہگلی20/مئی (محمد شبیب عالم ) یہ واردات چار دن قبل کی ہے ۔ متاثرہ کی ماں نے کہا کہ  حملہ آور ترنمول جئے ہند باہینی کا ممبر ہے ۔ جس کے خوف سے کوئی بھی اسکے خلاف آواز بلند نہیں کرسکتا ہے ۔ بتایا جاتا ہے کہ گھر کے سامنے سے نالی کا گندہ پانی بہہ رہا تھا اسی کی مخالفت کرنےکی یہ سزا ملی ہے ۔ اس معاملے میں اس بچی کی ماں اور پولیس زرائع سے ملی جانکاری کے مطابق حملہ وروں کانام شیخ خلیل اور شیخ شفیقل ہے ۔ شیخ خلیل ترنمول جئے ہند باہینی کا ممبر ہے ۔ اس طلباء کی عمد دس سال کے قریب ہے ۔ یہ واردات ہگلی ضلع پنڈوا کے شملہ گڑھ علاقے کا ہے ۔ ان دونوں کے خلاف پنڈوا تھانے میں اس بچی کی ماں شکایت درج کرائی ہے ۔  جس کے تحت ایک شخص کو پولیس گرفتار کرچکی ہے ۔ دوسرا فرار بتایا گیا ہے ۔ پولیس اسکی تلاش میں لگی ہے ۔  ماں نے شکایت میں کہا ہے کہ گزشتہ پندرہ مئی کو نالی کا گندہ پانی میرے دروازے کے سامنے سے بہہ رہاتھا ۔ اسکی شکایت اپنے پڑوس میں رہ رہے شیخ خلیل سے کی ۔ تب خلیل تیش میں آگیا اور موقعے پر ہی مجھے  میرے بیٹے اور چھوٹی بیٹی کو بےرحمی سے پٹک کر مارا ۔ آخر میں آپسی صلح کے لئے تیار ہوئی ۔ اسکے لئے مقامی لوگوں سے رابطہ کی ان لوگوں نے اسکے لئے پنچایت بلاکر معاملے کو رفعہ دفعہ کرنے کی کوشش کرنے لگے ۔ اور ایک دو دن کا بعد کا وقت مکرر کیا ۔ ادھر دوسرے دن یعنی 16مئی کو میں گھر پر نہیں تھی ۔ میری غیر حاضری میں ان دونوں نے مجھے گندی گندی گالیاں دے رہے تھے ۔ اس دن خلیل کے گھر کی عورتیں بھی مجھ گالی گلوچ کررہی تھیں ۔ یہ سن کر میری بیٹی انکے خلاف احتجاج کرنے لگی ۔ اتنے میں خلیل اور اسکے گھر والے ایسیڈ لیکر آئے اور میری بیٹی کے جسم پر پھینک دیئے ۔ جسکی وجہ سے جسم کے مختلف حصے جل اٹھے وہ وہیں مچلنے چھٹ پٹ کرنے لگی ۔ اسکی یہ حالت دیکھکر حملہ کرنے فرار ہوگئے ۔ مگر مقامی لوگ دوڑے ہوئے آئے اور میری بچی کو پنڈوا گرامین اسپتال میں لے گئے ۔ وہاں ڈاکٹروں نے اسکی حالت دیکھ کر چنسورہ امام باڑہ اسپتال منتقل کردیا ۔ جو ابھی بھی زیر اعلاج ہے ۔ اس نے مزید شکایت کرتے ہوئے بتائی کہ شیخ خلیل مقامی ترنمول جئے ہند باہینی کا ممبر ہے ۔ اسی وجہ سے علاقے کے لوگ اسکے ڈر سے منھ نہیں کھول پاتے ہیں ۔ یہاں تک کہ ہم جب انکے خلاف آواز بلند کرنے کی بات کہے تو خلیل اور شفیقل جان سے مارنے کی دھمکی دیئے ۔  اس معاملے میں بچی جس کا نام پوشیدہ رکھا گیا ہے ۔ اس نے کہا کہ 16مئی کی شام سات بجے کے قریب اپنے گھر کے سامنے نل پر شیخ خلیل منھ دھورہا تھا ۔ اس نے مجھے گھر پر تنہا پاکر مجھ پر ایسیڈ سے حملہ کردیا ۔  میرا سارا جسم جل گیا ۔ میں تڑپنے لگی ۔ لگ رہا تھا کہ میری جان اب نکل جائے گی ۔ لیکن مجھے تڑپتے دیکھ کر کچھ لوگ میرے پاس آئے اور اسپتال لے گئے ۔ جہاں ابتدائی علاج کے بعد مجھے چنسورہ اسپتال بھیج دیا گیا ۔ اس معاملے میں جب خلیل کے یہاں اخباری نمائندہ پہونچے تو پتہ چلا کہ انکے گھر پر کوئی نہیں ہے ۔ پولیس اس شکایت کی بنیاد پر انہیں تلاش کررہی ہے ۔