کوروناوباء سے ملک کے لوگ پریشان ہیں انہیں راحت پہونچانے کے بجائے بی جے پی سیاست کرنے میں لگی ہے : سریش مشرا

ہگلی16/اگست ( محمد شبیب عالم ) جب سے مودی حکومت ملک میں قائم ہوئی ہے ۔ تب سے کوئی ایسا دن مہینہ سال کوئی بھی ایسا دن باقی نہیں رہا ہے جہاں ملک کے لوگ پریشان نہ ہوں ۔  اسکے باوجود بھی وزیر اعظم لمبی چوڑی فیک تقریر کرنے سے گریز نہیں کرتے ہیں ۔ یہ باتیں آج چاپدانی میونسپلٹی کے بورڈ آف ایڈمنسٹریٹ کے چئیرمین پرشن سریش مشرا نے مرکزی حکومت کے خلاف احتجاجی جلوس کے دوران کہا ۔ انہوں نے اور کہا کہ آج پورے ملک کے عوام کورونا وباء سے پریشان ہیں ۔ مرکزی حکومت ملک کے عوام کو راحت پہونچانے کے بجائے سیاست کرنے میں لگی ہے ۔    آج چاپدانی میں مرکزی حکومت کی عوام مخالف پالیسیوں ، ڈیزل ، پیٹرول کی بڑھتی قیمتیں ، مہنگائی ، بےروزگاری ، ریلوے سے لیکر بینک اور دیگر کئی اہم شعبوں کو غیرسرکاری ہاتھوں میں سونپنے کے خلاف چاپدانی کے پالتا گھاٹ سے منجوشری تک ایک عظیم الشان جلوس نکالی گئی ۔ جس میں ہزاروں کی تعداد میں ترنمول کارکنان و حامیوں کے ساتھ سابق کونسلر بھی شرکت کئے ۔ یہ جلوس چاپدانی میونسپلٹی کے سابق چئیرمین سریش مشرا کے رہنمائی میں نکالی گئی ۔ اس احتجاجی جلوس میں ہگلی ضلع ترنمول کانگریس کے صدر دلیپ یادو بھی شامل ہوئے ۔ ان رہنماؤں کے سینے پر مرکزی حکومت کے خلاف تختی بھی دیکھا گیا ۔ جلوس کے دوران مودی ہٹاؤ ملک بچاؤ کے نعروں سے چاپدانی شہر گونج اٹھا ۔  جلوس کے اختتام پر دلیپ یادو نے بھی مرکزی حکومت کی عوام مخالف پالیسی کو بدترین عمل بتایا ۔