بی جے پی مغربی بنگال میں حکومت کرنے کا جو خواب دیکھ رہی ہے وہ بس خواب ہی رہ جائیں گے : منا انصاری

 
 

        ہگلی8/نومبر ( محمد شبیب عالم ) آج ایک دفعہ پھر سے چنسورہ موگرا بلاک کانگریس اور بانسبیڑیا ٹاؤن کانگریس کمیٹی مرکزی حکومت کی عوام مخالف سازش کے خلاف راستے پر اتری ۔  اتوار کی شام کالی تلہ بس اسٹینڈ سے لیکر تریوینی بس اسٹینڈ تک کانگریس پارٹی کے جانب سے مرکزی حکومت کی عوام مخالف قانون و کارکردگی کے خلاف جلوس نکالی گئی ۔  جسکی رہنمائی دلیپ ناتھ نے کیا ۔ اس احتجاجی جلوس میں آئی این ٹی یو سی کے رہنماء محمد رئیس ، سیوادل کے رہنماء مناانصاری ، شنکر بسواس ، سوپن پال کے علاوہ سیکڑوں کی تعداد میں کانگریسی کارکنان و حامیوں نے شرکت کیا ۔ اس دوران بی جے پی ، امیت شاہ اور مودی کے خلاف لوگوں نے خوب نعرے لگاتے دیکھائی دیئے ۔  ساتھ ہی یہ بھی کہا کہ بی جے پی کےلئے خطرے کی گھنٹی بہار کے عوام بجا چکے ہیں ۔ اب وہ دن دور نہیں کے بہار کے علاوہ دوسری ریاستوں کے ساتھ ساتھ پورے ملک سے لوگ بی جے پی کو اکھاڑ پھینکیں گے ۔  ساتھ ہی یہ بھی کہا کہ بی جے پی مغربی بنگال میں حکومت کرنے کا جو خواب دیکھ رہی ہے بس وہ خواب ہی رہ جائیں گے ۔ مغربی بنگال کے عوام مذہبی منافرت پھیلانے والی جماعت کو کبھی قبول نہیں کرتے ہیں اور نہ ہی کریں گے ۔