رشڑا تھانہ کے تحت کنڈو کالونی میں ایک شخص کا خون شک کی بنیاد پر دو شخص گرفتار

 

                ہگلی16/مارچ ( محمد شبیب عالم ) گزشتہ رات کو رشڑا تھانہ کے تحت کنڈو کالونی میں ایک شخص کو موت کی نیند سلادیا گیا ۔  پولیس اور مقامی زرائع سے ملی اطلاع کے مطابق مرنے والے شخص کا نام آنند سنگھ عمر 30 سال بتائی جارہی ہے ۔  اس شخص پر تیز دھار اصلحے سے حملہ کیا گیا ہے ۔ جسم پر کئی جگہ کٹے پھٹے کا نشان بھی پایا گیا ہے ۔ ساتھ ہی اس پر گولی بھی چلائی گئی ہے ۔ پولیس نے مزید بتایا کہ گزشتہ کل رات گیارہ بجے کے قریب یہ حادثہ پیش آیا ہے ۔  اس قتل کی وجہ روپئے کی لین دین بتائی جارہی ہے ۔ یہ شخص کچھ لوگوں کو تیس ہزار روپئے قرض دیا تھا ۔ پولیس کا یہ بھی کہنا ہےکہ 2018 میں آنند سنگھ کے خلاف وصولی کرنے کا معاملہ درج ہوا تھا ۔ مگر ادھر گزشتہ دو برسوں میں اسکے خلاف ایک بھی معاملہ درج نہیں ہوا ہے ۔ وہ کچھ دنوں سے کولکاتا بڑا بازار میں کام کررہا تھا ۔ کل رات کام سے واپس گھر آرہا تھا کہ راستے میں ہی کچھ شرپسندوں نے اسے گھیر لیا اور حملہ کردیا ۔ جسکی وجہ سے موقعے پر ہی اسکی موت ہوگئی ۔  پولیس اسکی لاش کو برآمد کرنے کے بعد پوسٹ مارٹم کےلئے شیرامپور والس اسپتال میں بھیج دی ہے ۔ وہیں اس قتل کے خلاف مہم چلاکر پولیس نے شک کی بنیاد پر دو لوگوں کو گرفتار کی ہے ۔ فلحال ان سے تفتیش جاری ہے ۔ قتل کی اصل وجہ جاننے میں پولیس لگی ہوئی ہے ۔